Saltanocribo
16/May/2011 - 11:00pm
Traspasando as fronteiras do pasado e do agora, atopados na fala e atopados na escoita, co murmurio do Sarria que acariña ao pasar As Aceas, nace Saltanocribo. ¿Qué é Saltanocribo? É unha nova formación integrada por músicos cun longo percorrido; membros de Xarín, Gaiteiros do Incio, de Os Eoas, A Quenlla que actuaron en distintos lugares de Galicia, Francia e Portugal. "Estamos unidos pola inquedanza de remexer nas nosas músicas de raíz e pola ilusión de facer algo novo, abríndonos a diversas influencias. Unidos, e na espera de gustar, fundamentalmente de gustar a todos os que nos escoiten".
- Luis: gaita e clarinete
- Pablo: violín
- José Manuel: acordeón
- Carolina: voz e pandeireta.
- Ismael: percusión
- Rebeca: bombo e percusión
- Suso: frauta e gaita
- Braulio: guitarra
