David Quinzán + Perapertú

24/Jan/2015 - 11:30pm

David Quinzán + Perapertú

Perapertú ● Ahmed: guitarra, voz e intuicións xamánicas; Juanma: baixista e Demonio de Maxwell; Marcos: batería co poder do transporte dimensional; Yago: teclados e invocacións.

Perapertú Algúns deles custodian os restos doutras formacións imprevisibles como Sector de Agitadas, outros manteñen a dobre militancia nunha secta que podería ou non chamarse Murray. Todos eles se citan para executar ese ritual mercé ao cal a pedra aberta segue estalando en efusións de significado. Ata agora, ditas prácticas non afectaron en exceso ás súas corduras, aínda que, co tempo suficiente, quen sabe…

David Quinzán Comezou a da-los primeiros pasos na música tocando o baixo, e fíxoo para artistas como Xoel López, Álex Ferreira e Stereotipos. No 2012 iniciou a súa carreira en solitario, guitarra en man, con dous EP consecutivos, «Cetáceos» e «El Aullador», cancións que lle abrían camiño como autor. No 2013 Xoel López produce o seu primeiro LP, El vino de las despedidas. Xoel dixo de Quinzán: "David es un hijo del mar y de la lluvia siempre en busca de la costa y de la luz, con un lenguaje muy particular, enormemente visual, lleno de matices y misterios." 2014 é o ano de El maestro de teatro, producido por Joserra Senperena, este disco profunda no pop cristalino e preciosista que define ao seu autor.